2ª businà Palio 1985
Canta 'l merlo a suta i chep
spiàina i gùab e slia i grep
d'ans al pont a la Madona
scapizè neint tant la zona.
Sponta u su 'nt u ri 'd gambó
al pì snester di rió
e su i'èi queicos an co i mansé
u i'èi ammach neint d'auni n avzé.
Andè pira 'n co i Crumbè
ch'i son drec e iv trato bè
ma stè 'teint ch'iv meto 'suta
s'u i'èi bè la scheina ruta,
i tuco tera e i pejo vot ponc,
lur i han veinc e ti t'hai vonc.
Fala lize d'la prim'ura
ant al Castè l'è dì bunura
forsa 'd cauz e pé 'd furest
i han veinc e fac di rest,
giain e vìard i so i culur
ma pré ist an i son dulur.
I pi fol i so i Mulinè
ch'in la pejo mai 'me ch'l'è
chi 'n santùr e chi mez ciuch
i pianto 'l graine e it fa 'unì luch,
i rivo seimper quand ch'al bugia
i pejo u treno e i va 'la cugia.
Ri 'd Gambò, l'è 'ndacia mà,
per la leingua d'in stivà
ma in autr an s'a soma qui,
per tic i auc ui na i'è pi
e stè dlonch, car Suleré
avzé 'l fua a fa u scapé.
Ferma, cito bugia neint,
a i oma u Lai ch'l'è 'l presideint
cul ch'u ranca e 'l fa la cursa
cul ch'l'ha seimpr al má 'nt la bursa
l'è pareint an co i Uaschét
e 'l fa la uardia dal miret
ancur ancùai cmè za na vota
a cui ch'u i'èintra 'ns la zgarota.
S'undèi puai ans u stradó
u i'è Romano ch'l'è 'n lió
l'ha, s'al canta du cansó
na gran vuz e d'la pasió,
ma na musca dadvá 'u naz
vola poch e prest la taz
giugadur cmè ch'ui n'è uare
cil l'è ji n di Canepare.
Ant al viléte adré u Surgnó
ui sta 'l pulitich d'u rió
cavei long e scarpe '-nuìse
parlanteina l'è u su vise
ij dizo Carlo e us dá da fa
ui piaz la bagna ancò u stifà
u sbroja seimpr tit al quistió
e 'd l'amzira l'è u sajó.
U i'è Pierino ch'l'è di bó
ant i zuai l'è u nost campió
an co 'l carte e 'nco 'l biliàrd
l'è puteint, e di buzard,
aut e bas la cirimela
ma us pò neint seimpr batla bela
u gìua e 'l bat con cunisió
e 'l fa i ponc per u rió.
Ragiunjìar a riva 'u ri
a i oma u Nino ch'l'è seimpr qui
l'è bancare 'd prufesió
e Tajaré 'nt la tradisió
s'un n'ha neint ancò i Franseiz
l'è 'rmis-cià 'n co i Milaneiz
l'è 'd Sulìare e Lisandré
e a fal taze u i'è bonné.
S'u'urèi seinte na cansó
geint smantiève neint 'd Carló
an co i barbis culur 'd l'aram
al parla, 'l canta e 'l fa reclam,
u taca seimpr i manifest
e 'l cunteinta avzé e furest
seimper pront an con i amiz
l'è u disk-jokey d'al paiz.
Reize 'n piasa ui stá Cavana
ch'l'è pi grand che tic 'd na spana,
s'u sarchèi queich vatlatùa
u i'èi ammach d'andà 'n ca sua,
an col giujìare uv tira 'ndreint
uv trata bè e u surtij cunteint
u schersa seimpr e 'l veind al braje
dèv da fa s'u'urèi smiaje.
Ri 'd Gambó an con tit sta geint
l'è na forsa, tnì da meint,
s'u santìj al gat ch'u gnàula
a i oma i pìai a sut la taula
e s'as ampgnoma cmè ch'us dìav
a tic i auc ui ven la frìav.
Se la vuaja pì l'an dira
la sunada l'è sighira,
seinsa impegn e alenameint
us fa rìe ammach la geint
e l'è prope ant sta quistió
la furteina 'd i auc rió.