Cito!
Si dizo 'd di né n cristo
stè brav e dè da meint
che i asideint iv fristo
dasè pi che i pareint.
An piasa 'u di 'd la festa
al cruz i fa 'ndà 'mat,
s'uv taca malatesta
scapè cumpeind di rat.
Se tant si poch iv piazo
al feste 'ncur d'aunì,
a dai ambraséta ai azo
l'è pez che 'ndà 'drumì.
D'al vote i angiungiai
chi canto pré 'l bambé
'ntré i fac e i cumudai
i ponzo cmè i marté.
An piasa o 'ns la crumbèla
al ciole i va 'giardlà
per cul ch'i ha 'nt la sarvèla
l'è inutil sinquantà.
U sèi za cul ch'uv tuca
stè neint tant lì a pistà
s'i j han la leingua 'n buca
lasèila rabatà.
D'al vote au dì d'ancùai
i zuvo i son sparziai
per poch ch'u dighe dùai
iv trato d'ancantai.
Se minca 'n tant iv mèino
a spas an mez ai prai
lasè neint trop ch'iv cèino
la scheina cmè i cavai.
A dav la bunasira
ui va nè ji nè dùai,
bon peiz con la fritira
iv mando for dai fùai.
E s'uv agreva 'd cùi
ch'i han bvì 'ndreint al casì,
lasè 'ndà prest, s'la bùi
al maine 'dré la si.
Pitost che tirà drec
l'è mei seimpr girà 'vùai
antant o cui o iec
a soma seimpr ammùai.
'Na vota 'nco 'l bastnaje
t'andave e 't stave schis
adès an ca o 'ns al straje
'd sighir pi né ut tardis.
E t'an sai pi s 'l'è mìai
sta cito per neint piaje
o sorte e pistà i pìai
per fat andà zi 'l braje.
S'i fan s-ciupà da u rìe
pulitich e partij
mandèi a giuà 'l bìe
ch'in varo manch doi schij
E s'un cardive neint
ch'i fèiso 'ncur d'al uere,
mandè 'c aruàbe geint
a spas an mez as tere.
Chisá 'ncudì che seimper
i prim a di ch 'l'ai vá
ch'u sia cul ch 'vua 'l veinter
i son cui ch' i sta 'cá
E certa ruginal
ch'i bragio e i mando i auc
tnij, pez che i criminal
luntá n bè da vuiauc.
E puai s'iv dizo mà
dadrìa, dadvá o daprès
al steile quand ch'i lizo
i 'rzisto pi che 'mpès.
Perciò lasè ch' bavuzo,
ch'i digo cul ch'ui smìa,
vuiauc fè cmè i batuzo
e uardè 'l steile 'n sìa.