Giuspé

            « Rugèro, di che plotone siete? »

                     « Mah, a Sulìare 'd Plató ui na i'è tanc,

                        ma a mi im dizo 'l Magiùr! »

Carató e vachéta 

a l'ho cunzì

che 'n con jindz'an

a i era na maznà,

e cil votantasenguë,

e tenle ferm s't'ei bó.

A fa la legna aulong au ri

tajà e tirà

i toch sì da la riva,

in ardimèint da zuvo,

pasénsia e cunisió.

L'ha 'ncur dirà dez an

aná e 'ndria a parlì,

e quand chi ha 'lvà la vaca

u 'ndava 'ngir a pìa,

a Mlai e a Miravá

an Bosch e a la Muléina,

e i l'han truà na vota

ch'l'ava gist novant'an

an col farquà 'nt al má

'ns la stra 'mira 'San Roch

ch'u 'ndava a razunà

               « 'n co i lader d'la tustrada »

ch'ij davo 'n mèz na tèra.

Tèimpre d'in auter tèimp

chi han lasà di segn,

e i n'han mustrà che al mond

var pì 'n po' 'd vuluntà

che tit u nost giardlà,

e cmè la leina 'n sìa

i lizo 'n mez al stèile

e i fa 'n po' meno schir

u travarsà

ans i santìai d'al vive.