« Andè 'n cá 'd Frigèrio,
e dij ch'uv téna lá! »
Maria l'è 'na dona pcita
ma l'è tita 'n nerv.
Niauc maznajó a fala 'ndà 'mat:
« Doma 'nt San Michìal a s-ciapà tcoz ! »
« Ti va 'n ca tua, ch'u i na ji'è da s-ciapà ! »
Sta sacramènto l'an perd nèint in culp!
E at sèint ancur,
Maria
al sèire 'd mag
a di u ruzare e 'l litanìe
e cantà 'l Madone:
« Veni Creator Spiritus
mentes tuorum visita...»
e a la fé
« Sia benedetta....»
e niauc:
« la mia bicicletta.....»
e al kyrie eleison
la cursa a pià 'l bursòt
e poi a fa la gara,
scaraboc d'al nuvitaje,
a chi ch' l'ampiva mìai,
e per fa sì pi tant,
scrulàl advá 'la gèint
per chi pucèiso tic.
Ma ij an son pì cul sèire,
dop a tanc an ormai
al mond l'è difarèint,
la gèint l'ha cambià mur
e San Michìal l'è lì
prope cmè 'nlur
ma un n'è pì 'l mìa adès,
sènsa i toi brag.