Tatuch e tatuch
al cavá 'd Carlé d'la Trota
bó cmè 'l pá,
an co u tumbarèl 'd Bona
aulong al straje d'es caséine
la puve, i sach, l'udur d'al grá
a suta u su d'al mèiz d'avust.
Greva cmè l'azo
cula bicicleta nèira
s-ciupaia aulong al straje d'an Laprà
forsa 'd tajà 'travers
e 'd pià di schirsarùai,
cmè zì 'nt u ri
antrè la Runfoina
e 'l casinot 'd Ferri,
e niauc ch'a favo u gir
pré 'ndà 'nt al fos ans u stradò.
Quanc sacramèint, Pulisci
« ...propprio non sei cambiatto! »
ch'l'ha tirà zì 'nt in nèint,
ma um ava dac al rèdne
e l'era nèch da cil.
E ciuch 'me bìe cul dì
a ca da la Caièra
per l'ande d'al cavá,
l’unich an santùr,
che s'l'era nèint per cil
a i'èro 'ncur lá 'des.
E l'ha travarsà decò u stradó!
Listorie 'd tanc agn fa
ma cui ch'is vizo ij voro bè
a 'na parfauda nèira 'n bicicleta
a 'n tumbarèl,
e a cul cavá.