U i'è la su vuz ancur                              

criàja 'ndanda e 'uninda

aulong al straje                                     

dadlá da u stradó,

da la Madona d'al Pùaz,

a dop a la Capléta.

Sèinsa causét,

doi sandali duvèrt

in caplas ans agl'arege

la puve, u su,

i discurs a suta l'èua:

                   « A i ho bazà la monia granda... »

                   « Medèo l'è mort... »

e uarda 'me ch'al va.   

                    « S'at ciapava, Caterina...»

          « Se t'am fave, Paulé? »

                    « A i ava veinc la cursa! »       

Du sipe 'd lac a la matè,

e s't ei na dave jina:

                    « e l'autra, ai la dat a Medèo?»

                    « Medèo l'è mort e l'han strà ai ort!»

L'è la su vuz adès,

ch'u i cur 'nsèma 'l vèinter

aulong la stra,

zbasaia dai soi pas,

adrìa 'la Madona.