Piasa Carléina
L'è 'na cruziara, quaze
an fé 'd la cuntrà meistra
surtinda 'nver au su
quand ch'al va zì a la seira
e u teinz al nivle 'd rus.
E u i'è 'd l'armis-c rivanda,
i mulé i va e i mazeino
la mària, 'l gra e du tit,
qui 'ns al cantó Pierino,
al motocar e la rivolusió,
e pi aná Mazé,
Ruzina e 'l Maresial,
l'auturità,
ch'l'è 'n squai an municipio
e us dá da fa per tic.
E 'ntant Mazé 'l mazeina,
e u gira, 'l mulinet,
ma poi cme 'ns tit al robe
la puve la dá zì
e l'anvarniza tcoz.
Ma qui la fa fadìa
a calà zì e fermase,
sará pré u riguziglio
ch'i pianto sì 'c fanciot
ant l'ardimeint 'd l'età.
E 'ns al cantó ui n'è 'd i auc
pi zuvo e fandamat,
e i fan balà i taulé,
ma 'd tit manìare
i veno sì pareg,
ansèma a 'na stagió
ch'la dira prope poch
ma la finis mai pì.