L'è nent vai!
L'è nent vai!
L'è 'n brit sogn!
An pos nent creze,
um manca l'eire.
U i'è pasà tanc an
e 's soma fina pers,
robe 'd la vita,
ma pers me ades
l'è difareint,
l'è insupurtabil.
Poi ciaschedì l'ha la su stra,
l'è vai,
ma l'è cativ da rìaze,
cmè u seins 'd la fé,
'd cul ch'un sará mai pi.
I so i ricord anlur
a fa zmujà u sagré
e qui t'ai jai
viv ant la meint
ch'u i'è bonné 'scanc-late,
fort e prezeint
con la tu voja 'd crià,
'd cantà e sunà
che prope 'ncur at seint,
e a stoma qui ades
du ure 'ncur ansema
con la tu fantazia
e cui bei an da zuvo,
cansó d'al "barachi"
e piombe 'd meza nuac,
madone per la stra
e vers apres al mond.
«Fanciot, la geint i dromo»
«E lasè ch'i dromo, iv dajo fastide?»
e zi Oh! darling da s-ciancas al biele.
E one: Mao!
E two: Marx!
E three: Lenin!
E four: Che Guevara!
E one, two, three, four
e zi Bandiera rusa bifaja 'nt in petné
fac sì 'd carta velina.
Cul seire «al pueblo»
e u tu ritrat 'd «Cailé»
per cul ch'am viz:
«Tengo il baffo lungo e rosso
faccio mes-ce a più non posso,
dietro al banco mi arrovello
per portarti questo e quello...
...qualche volta con cipiglio
faccio il verso del coniglio,
se tu vuoi un buon caffè
da tre giorni è qui per te»
E poi cul ande d'armis-cià l'ingleis:
giustino e la benela,
l'armeinta,
la pateint,
mur sic e lavre longhe...
«Giuzzi and Baenell»
«The arements»
«E patent»
pi tarde «la Gilaina»
e u sogn d'u 5V
«Moorsic and lavrelong!»
e cula d'armis-cià u dialet
«Uacchëtli!»
«A t'päghi eh!»
«U s' è masó!»
«An libi!»
«La to moto la va no?»
«...bitji 'l broë!»
«...bitji 'l broë 'd Chevron, ch'l'è 'l broë pi bon!»
«...bitji 'l broë 'd la Shell, ch'l'è 'l broë pi bel!»
«...bitji no 'l broë 'd l'Amoco, ch'l'è 'n broë da poco! »
«...bitji no 'l broë 'd la Fina, ch'l'è 'l broë 'd na ghina!»
«...bitji no 'l broë 'd la Esso, ch'l'è 'l broë d'in cesso!»
«...bitji no 'l broë 'd BP ch'l'an tira pi!»
«...la Gulf l'angulfa!»
I "geratá" 'nt u serbatoio,
e 'l mutur 'd la Benela
'nco 'n siger d'u spinot an mez a l'alber
«zbranina!!!»
ans al carté pre 'ndà da "Anciori"
«L'oëli, l'oëli, l'oëli!!!»
ch'u smiava a suta 'u stras
la testa d'in ghigliutinà,
«...portalo a Ciosseppe il mòtòre, che te l'aggiusta!
Do minuti ce mette!!!»
An cazerma pre 'n murtaret
in crep d'asideint a 's la zgarota
e Caù ch'u sbanatava
«Tutti in caserma!!!»
«Scapis!!!»
Atlantis an ca mia
ti la chitara e mi 'l piano
ti che 't cumpagnave,
mi ch'andava per mi cont
«Us pol savai che note 't fai?!?»
E poi tant robe,
la draga ai Gabarai,
u sbuch d'al Belb an Tane,
u sabió dadlà a l'Acquist,
i doi navil au Sabiunè,
a Quargneint e a Firsà
«Per le strade senza nome»
pasà 'nt la curt an Laprà
a tita néla
a sburdì 'l galeine,
al festival pop al Gurete,
al burcìa ch'a rangiavo
«'na cianta!»
purtà via d'ans u sabió al Guréte
«Tane l'è carsì trai meter!»
«Dulur!!!»
Al gire per funzete,
"Ancodì" e "Ancudì",
la tu Yamaha nuava
«la gaba»
l'armonica a buca
«la suneta»
l'umó e u Giganin
la mésa beat
«...us an sent neint 'est bas!»
al lote pre i "tebetels"
«L'è tit spir»
ancontra ai "rabató"
«Al blues d'al gat salvà»
al vise 'd bragalà:
«Sapató ven qui ch'at fas in chi acsì!»
«Vengo!!!»
e doma ou, zi da la riva
a scapà 'ca
ma da fa quai,
niauc quatr o senguë
e cul da bela sul,
prope 'n so pi.
Ma cul ch'a só
l'è 'l post che 't tnive ti
an mez a cula zuiara
d'armis-c e fandamat
ch'it son carsij ansema
badzai da l'inventiva
'd la tu cumicità
e 'dla tu voja 'd rie
«al veltz» mi, e poi «u zveltz»
ch'ai port ancur ades
fina aulantìa,
ma prope zvers,
ancur
per cul ch'u t'è tucà.