Secundé
«...venite adoreemus, dddddoomminum »
E s'uv auniva freg an con l'Ave Maria
«...veeeeergin celeste...»
l'era decò per cil.
L'era 'n poch trop cunvint,
cmè cui che za da pcit
i han bvì 'ndrèint al casì,
ma cil l'è partì rus
e a giòle a 'n cavá bianch:
« Lasciateci passare!
Andiamo a liberare Solero! »
e poi l'è 'n poch zmarvà.
« A n' ho vist mi, da zuvo !!!...»
Da vèg l'era 'n poch uèrs.
Ma l'era 'n gran cantant,
« Panis angeelicuuus...»
e l'art l'an n'ha né nom
né part
e né culur.